الحلقه الثالثه من برنامج نكت ظريفه

انا جبت لكم المره دى نكت صغيره بس حلوة يارب تعجبكم

* واحد ندل بيعلم اولادة الندالة وهو بيموت قالهم الندالة ثم الندالة ثم الندالة .. مات رموه من الشباك

* مرة واحد احول بابه كان راجع من السفر .. راح باس الشنطة وشال ابوه.

* مرة واحد عصبي عايز يحكى لمراتو شئ غريب حصلوا .. قالها أنا عايزا أقولك على حاجة غريبة حصلتلى بس أنا مش كذاب أنتي الكذابة و وقحة و كل عيلتيك و انتي طالق

* واحد منحوس خبطته عربية ومات فروحه طلعت خبطتها طيارة .

* مرة ثلاثة فشارين راحوا الجبل واحد اعمى و واحد اطرش وواحد اقرع الاعمى قال انا شايف النملة التى فوق الجبل و الاطرش قال انا سامع دبتها والاقرع قال أنا شعرى وقف من كتر الكدب .

* عجوزة خيروها بين الحج والجواز .. وطت راسها مكسوفة .. وقالت: هى مكة هاتطير .

* واحد اتصل بمراته قالها حضري المية السخنة راح صاحبة قالة انت حمش قوي قالو امال هاغسل المواعين بمية باردة

* الصحفي: وحضرتك إزاي بتعرف إذا كان المريض مجنون فعلا ولا مجرد تعبان نفسيا
الدكتور: بنعمله إختبار البانيو
الصحفي: واللي هو ؟
الدكتور: بنملى البانيو ميّه على آخره … وندي المريض معلقة وكوباية وجردل … وبنقوله فضيلنا البانيو ده من الميّة
الصحفي: وطبعا لو استخدم المعلقة أو الكوباية يبقي مجنون لإنه المفروض يستخدم الجردل
الدكتور: مممم … هو عامة، العاقل حيرمي ده كله ويشيل سدادة البانيو … تحب اوضتك على الشارع ولا بتبص على الجنينة ؟؟

هههههههههههههههههههههههه

شكرا على النكت الحلوة مثلك Very Happy

الى الامام واااصلي ابداعك ^^

جميله زيك

» الحلقه الاولى من برنامج نكت ظريفه
» الحلقه الثانيه من برنامج نكت ظريفه
» الحلقه الرابعه من برنامج نكت ظريفه
» الحلقه الخامسه والاخيره من برنامج نكت ظريفه
» الحلقه الثالثه من مسلسل حلم صغير