حب تهييس (حبيبتى)

حبيبتى

انا من حبك هيست

و اتنططت و هيصت

بحبك اكتر من البست

يا أحلى من العيش التوست

*********************

&&حبيبتى

بحبك حب ملوش نهايه

حب الميه للكوبايه

حب الشعر للفلايه

حب الطفل للمشايه

حب الشتا للدفايه


&&حبيبتى

انا من حبك قلبي اتاخد

بحبك حب الموظف ل يوم واحد

حب ابو تريكه ل عبد الواحد


&&حبيبتى

ا نا من غيرك مش عارف اعيش

بحبك حب الجارسون للبقشيش

حب الدقيق للعيش

حب سينا للعريش

حب العصفور للريش

&&حبيبتى

ده انا من غيرك أموت

بحبك حب الطفل للبسكوت

حب الصعيدي للنبوت

حب الكسلان للريموت

حب الفرخه للكتكوت


&&حبيبتى

د انا بحبك يا بت

حب التليفون للخط

حب فودافون للكارت

حب الكمبيوتر للنت


&&حبيبتى

حبك جوا قلبي مغروز

حب القرد للموز

حب زيت الشعر للوز

حب السيرك للأراجوز


&&حبيبتى

ا نتي مش زي كل البنات

بحبك حب الفرح للشربات

حب الفراوله للخلاط

حب العيال للحلويات


&&حبيبتى

ده انا بحبك يا هبله

حب الرقاصه للطبله

حب العيال للنبله

حب عنتر ل عبله


&&حبيبتى

حبك جوا قلبي كبير

حب المانجه للعصير

حب السكر للفطير

حب بيبو لبشير


&&حبيبتى

ا يوه انتي

اسمعيني كدا من قلبك

انا طول حياتي هفضل جنبك

و مش هبعد ابدا عنك

و مستني تقولي بحبك

منقول